23 November 2013

பறவைகள் பறப்பதில்லை

Posted by lavanyan gunalan 10:46 AM, under ,,, | 1 comment


பறவைகள் பறப்பதில்லை கொட்டுகின்றன
வானத்திலிருந்து சடசடவென கொட்டுகின்றன
பூமியைத் தொட்டுத் தொட்டு முத்தமிடுகின்றன
மரங்களையும் மலைகளையும் கட்டியணைக்கின்றன
ஆறுகளில் படுத்து, உருண்டுப் புறண்டு தவழ்கின்றன
ஏறிக் குளங்களில் தங்கி வாழ்கின்றன
பிற உயிர்கள் யாவையும் வாழவைக்கின்றன
நாக்கு வறண்டு துடித்துக்கொண்டிருக்கும் நிலங்களின் தாகம் தணிக்கின்றன
பறவைகள் என பறப்பவற்றை கூடுகளுக்குள் சிறைவைக்கின்றன
குழந்தைகளின் காகிதக் கப்பல்களை தோளில் சுமக்கின்றன
பறவைகள் கொட்டிமுடிந்தால் வானத்தில் ஏழு வண்ணக் கொடி பறக்கும்
பூமியில் மனிதக் கண்களில் மகிழ்ச்சி ஒளி பிறக்கும்
பறவைகள் பறப்பதில்லை கொட்டுகின்றன!

- சா.இலாகுபாரதி

1 comments:

தங்கள் கருத்துக்களுக்கு நன்றி இதை போன்ற தகவல்களை தெரிந்துக்கொள்ள தொடர்ந்து இணைந்திருங்கள் Latest Tamil News

Post a Comment